Policia franceze ushtroi kontroll në selinë e organizatorëve të Lojërave Olimpike Paris 2024. Zyrtarët thonë se bastisjet janë pjesë e dy hetimeve paraprake për korrupsion.
Një zëdhënës i komitetit organizativ të Paris 2024 tha se janë “duke bashkëpunuar plotësisht me hetuesit”. Të martën, hetuesit kundër korrupsionit u futën pa paralajmërim në selinë e komitetit organizativ të Olimpiadës në Saint-Denis, një periferi e Parisit, si dhe në zyrat e Solideo, organi publik përgjegjës për ndërtimin e projekteve për lojërat.
Organizata gjyqësore franceze përgjegjëse për gjurmimin e krimit financiar, thanë se kërkimet e tyre po kryheshin në disa vende që përfshinin dy organizatat.
Lojërat Olimpike të vitit 2024 zhvillohen nga 26 korriku deri më 11 gusht, me Lojërat Paraolimpike në shtator. Bastisjet e policisë të së martës janë episodi i fundit që prek lëvizjen olimpike të Francës dhe sportet në përgjithësi në muajt e fundit.
