Genc Pollo, një personazheve politikë të rëndësishëm të Partisë Demokratike, ka publikuar në Facebookun e vet Statutin e PD-së, duke veçuar prej tij një pjesë, e më konkretisht Nenin 43, ku parashikohen rastet se kur mund mund të mblidhet Kuvendi i PD-së, një ngjarje shumë e debatuar kjo aktualisht në Partinë Demokratike, për hir të përplasjes Basha-Berisha, dhe deklaratave të tyre për mosmbledhjen dhe mbledhjen e këtij Kuvendi, për të votuar përjashtimin e Berishës nga Grupi Parlmentar i PD-së, apo heqjen e Bashës si kryetar i saj.
Kuvendi, thotë Pollo në pjesën e shkëputur, përveçse çdo katër vjet, mund të mblidhet edhe kur e kërkojnë ¼ e anëtarëve të PDSH-së ose e anëtarëve të Kuvendit Kombëtar. Ky Kuvend mund të mblidhet për të shkarkuar kryetarin e PD, përmes një mocioni mosbesimi, miratuar nga më shumë se gjysma e gjithë anëtarëve të Këshillit Kombëtar, e se të drejtën për t’i bërë kërkesa dhe propozime Kuvendit, e kanë, përveç Kryetarit, Këshillit Kombëtar, Kryesisë së PDSH-së, edhe jo më pak se 15% e anëtarëve të Kuvendit me të drejtë vote.
Statusi i plotë i Genc Pollos.
Statuti i Partise Demokratike
Neni 43
Kuvendi Kombëtar i Partisë
2. Kuvendi Kombëtar mblidhet si rregull çdo katër vjet.
Kuvendi mund të mblidhet edhe kur e kërkojnë 1/4 e anëtarëve të PDSH-së ose 1/4 e anëtarëve të Kuvendit Kombëtar.
3. Kuvendi Kombëtar ka kompetencë për:
ç) shkarkimin e Kryetarit të Partisë mbi bazën e një mocioni mosbesimi të miratuar nga më shumë se gjysma e të gjithë anëtarëve të Këshillit Kombëtar;
4. Të drejtën për t’i bërë kërkesa dhe propozime Kuvendit Kombëtar, për çështje që janë në kompetencë të tij, përveç rasteve kur ky Statut përcakton ndryshe, e kanë Kryetari i Partisë, Këshilli Kombëtar, Kryesia e PDSH-së, ose jo më pak se pesëmbëdhjetë për qind e anëtarëve të Kuvendit me të drejtë vote, të shpërndarë në të paktën pesë Degë të PDSH-së
