Parlamenti i Polonisë ka votuar pro ndërtimin të një muri kontraversal në kufirin e saj me Bjellorusinë, për të bllokuar fluksin e madh të migrantëve të cilët po hyjnë në mënyrë ilegale në Poloni.
Mijëra njerëz, shumica prej të cilëve nga Lindja e Mesme dhe Azia, kanë tentuar që të kalojnë kufirin me Poloninë në muajt e fundit.
Ndërkohë, Bashkimi Evropian akuzon Qeverinë e Bjellorusisë për nxitjen e rritjes, si hakmarrje për sanksionet kundër regjimit të saj.
Muri i lartë 5,5 metra do të kushtojë 353 milionë euro, ndërkohë që disa kritikë po thonë se kjo është shpenzim i kotë i parasë.
Legjislacioni tani do t’i shkojë presidentit të Polonisë, Andrzej Duda, i cili pritet ta shndërrojë atë në ligj.
Muri i cili do të pajiset me sensorë lëvizës dhe sistem monitorues, do të mbulojë rreth gjysmën e gjatësisë së kufirit polonez me Bjellorusinë. Qeveria ka bërë të ditur se planifikon ta ndërtojë atë në verën e ardhshme.
Polonia ka bërë të ditur se rreth 500 njerëz janë duke provuar që të kalojnë ilegalisht në këtë shtet ndërmjet kufirin me Bjellorusinë, çdo ditë.
