Parlamenti shqiptar pritet të miratojë Projektligjin “Për ratifikimin e marrëveshjes së huasë ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim”, i cili synon “Përmirësimin e aksesit të barabartë në shërbimet publike të standardit të lartë nëpërmjet operacionit GOVTECH”.
Kjo u bë e ditur në Sot në mbledhjen e Komisionit për Ekonominë dhe Financat mbajtur të martën
Zbatimi do të përmirësojë portalin “e-Albania” lidhur me cilësinë dhe efikasitetin e ofrimit të shërbimeve publike si dhe përmirësimin e infrastrukturave mbështetëse të tij.
Ai do të sjellë edhe funksionalitete të reja për qytetarët dhe bizneset në përfitimin e shërbimeve publike.
Njëkohësisht do të nisi puna për përmirësimin e aftësive digjitale bazë dhe të avancuara nëpërmjet ngritjes së laboratorëve të edukimit informatik (smart labs) në 200 shkolla të vendit dhe qendra rinore TIK në 10 qytete të vendit .
Ato do të ndihmojnë si investime dhe risi në zbatim të përmbushjes së objektivave të qeverisë shqiptare për digjitalizim , në shërbim të qytetarëve.
