Kryeministri i ri britanik, Boris Johnson, ka emëruar një ekip me qëndrime shumë të djathta dhe pro-Brexit për postet kryesore.
Ja postet kryesore të qeverisë së tij që numëron 33 anëtarë:
Sajid Javid
Ish-ministrit të Brendshëm të Theresa May, Sajid Javid, 49 vjeç, i besohet posti i ministrit të Financave, post strategjik ndërsa vendi po shkon drejt Brexit, që në rast largimi pa marrëveshje pritet të shkaktojë luhatje të forta ekonomike.
Dominic Raab
Ky ultra-liberal, 45 vjeç, emërohet ministër i Punëve të Jashtme dhe zëvendëskryeministër. Aktivist i flaktë i largimit nga BE-ja, ish-avokat i specializuar në të Drejtën Ndërkombëtare.
Michael Gove
Ky euroskeptik, 51 vjeç, luajti një rol garantues për mbështetësit e Brexit në qeverinë May.
Priti Patel
Avokate e flaktë e Brexit, kundër martesave gay, Priti Patel, 47 vjeçe, u emërua ministre e Brendshme.
Jacob Rees-Mogg
Emërohet ministër për Marrëdhëniet me Parlamentin, Jacob Rees-Mogg, 50 vjeç. Ai renditet në mesin e deputetëve euroskeptikë.
Matt Hancock
Ish-ekonomist i Bankës së Anglisë, Matt Hancock, 40 vjeç një nga figurat në ngjitje të konservatorëve, mban Ministrinë e Shëndetësisë, një post që ai mban që në qeverinë e Theresa May.
Amber Rudd
E zgjedhur deputete në 2010 pas një karriere në financë dhe në gazetarinë ekonomike, ajo shoqëroi Theresa May në ngjitjen e saj në pushtet.
Andrea Leadsom
Ajo u u emërua ministre e Bizneseve, Energjisë dhe Strategjisë industriale.
Elizabeth Truss
Pro-Brexit “Liz” Truss, 43 vjeçe, sekretarja e Shtetit për Thesarin e qeverisë May.
Jo Johnson
Vëllai i Boris Johnson, Jo Johnson, 47 vjeç, propagandoi që Britania e Madhe të mbetet në Bashkimin Europian dhe kërkon një referendum të dytë. Ai u emërua sekretar Shteti në Ministrinë e ngarkuar për Biznesin./ATSH/
