Premier League ka konfirmuar se një person ka rezultuar pozitiv me koronavirus në raundin e fundit të testimeve që është bërë në fillim të kësaj jave. Janë testuar 1213 lojtarë dhe anëtarë të stafit të hënën dhe të martën.
Premier League nuk ka dhënë detaje se për cilin klub bëhet fjala dhe as emrin e personit. Liga elitare e futbollit anglez pritet të rifillojë brenda shtatë ditëve.
Në total kanë dal 14 persona me COVID-19 që kur Premier League ka nisur testimet. Në total janë bërë 7487 testime.