Mbi 35 mijë persona u mblodhën në Johan Cruyff Arena në Amsterdam për të ndjekur premierën botërore të dokumentarit kushtuar jetës dhe karrierës së legjendës së futbollit me numrin 14.
Mes të ftuarve ishte edhe presidenti i FC Barcelona, Joan Laporta, i cili u shfaq i emocionuar gjatë eventit. Ai theksoi se pjesëmarrja masive dëshmon ndikimin e përhershëm të Cruyff në botën e futbollit.
Laporta e përshkroi ish-trajnerin dhe lojtarin si një vizionar që ndryshoi mënyrën e të kuptuarit të lojës, duke shtuar se filozofia e tij bazohej në mësimin nga çdo situatë dhe në ndërtimin e suksesit përmes lojës së bukur dhe guximit.
Ai nënvizoi gjithashtu se identiteti aktual i Barcelonës mbetet i lidhur ngushtë me trashëgiminë e Cruyff, duke e cilësuar atë si themelin e ADN-së së klubit dhe një figurë që do të mbetet përgjithmonë në zemrën e tij.
