Pas miratimit të rezolutës në Parlament nga mazhoranca dhe opozita kundër vendimit të presidentit Ilir Meta për shfuqizimin e 30 qershorit si datë për zgjedhjet lokale, Presidenca ka dalë në një konferencë për të sqaruar edhe njëherë vendimin.
Këshilltarët Tedi Blushi dhe Bledar Dervishaj kanë shprehur keqardhje për retorikën e drejtuesve të mazhorancës, të cilën e kanë konsideruar edhe si toksike. Presidenca thekson se shfuqizimi i 30 qershorit është i detyrushëm për të gjithë aktorët politikë.
“Presidenti vlerëson se kjo retorikë, ndonjëherë edhe toksike, nuk i shërben aspak as zgjidhjes së krizës dhe as paqes sociale në vend. Preisdneti deklaron edhe njëherë se dekreti për shfuqizimin e dekretit të 30 qershorit është një akt që është marrë në mbështetje të plotë të dispozitave të Kushtetutës. Ai është në fuqi dhe është i detyrueshëm për të gjithë”, u shpreh Dervishaj.
