“Ka filluar faza e dytë e luftës”. Kjo është deklarata e dhënë në mbrëmje nga Andriy Yermak, shefi i kabinetit presidencial të presidentit Volodymyr Zelensky.
Yermak i referohet lajmeve që shohin ushtrinë ruse që mendohet se ka filluar ditën e sotme një ofensivë të gjerë në lindjen e Ukrainës, e mundësuar edhe nga furnizimet e reja dhe nga ripozicionimi i disa trupave që më parë ishin të përdorura në sulmin ndaj Mariupolit tashmë pothuajse nën kontroll.
Sipas Yermak, rusët kanë filluar një operacion në tentativën për të thyer mbrojtjen ukrainase në të gjithë frontin e Donjetskut, Luhanskut dhe Kharkivit.
Deri më tani, suksesi i ditës përkufizohet vetëm në kontrollin e qytezës së Kreminna, rreth 50 kilometra nga Kramatorsk, ndërkohë që në zonat e tjera lindore sinjalizohen përballje të forta.
Sipas Pentagonit, rusët kanë përforcuar linjën me shtimin e të paktën 10 batalioneve në lindje dhe në jug, duke dhënë sinjale për një seri manovrash të cilësuar nga zëdhënësi amerikan John Kirby si një “fushatë terrori kundër Ukrainës”. Gjatë natës, alarmi ka rënë në pothuajse çdo qytet ukrainas, nga Odessa në Lviv, nga Mykolaiv në Donjeck.
