Presidenti i SHBA, Donald Trump, ka shpërndarë një video muzikore të krijuar nga AI në platformën e tij Truth Social, krijuar nga një palë e panjohur dhe që tregon atë që supozohet se është vizioni i tij për rivierën e Rripit të Gazës.
Videoja përshkruan një rrip modern bregdetar të veshur me shëtitore, objekte shumëkatëshe dhe plazhe tejet të pastra dhe plotë gjallëri, transmeton Telegrafi.
Detajet e çuditshme përfshijnë kërcimtarë me mjekër, një fëmijë që shtrëngon një tullumbace të artë në formë si fytyra e Trumpit dhe një statujë masive prej ari të vetë Trump.
Njerëzit vallëzojnë ndërsa kartëmonedhat e dollarëve bien nga qielli, ndërsa një i ngjashëm me Elon Musk shijon një pjatë me ushqim, duke u shijuar në spektaklin që ishte organizuar.
Vetë Trump shihet duke kërcyer me një grua, duke pushuar me kryeministrin izraelit Benjamin Netanyahu pranë pishinës në një nga hotelet e tij, të zbukuruara me fjalët e mëdha të arta “Trump Gaza”.
Dhe këtu janë disa nga tekstet: “Nuk ka më tunele, jo më frikë, Trump Gaza më në fund është këtu. Gaza Trump shkëlqen e ardhmja e ndritshme, e artë, një dritë krejt e re. Festa dhe vallëzimi marrëveshja u krye, Gaza Trump numër një”.
