Në kuadër të vizitës që po zhvillon në Tiranë, Presidenti i Letonisë, Edgars Rinkēvičs është pritur këtë të premte në një takim në Kryeministri nga Edi Rama.
Lajmin e ka bërë me dije kryeministri Rama i cili ka shpërdarë edhe foto nga takimi me presidentin Rinkēvičs.
“Kënaqësi të mikpres Presidentin e Letonisë, Edgars Rinkēvičs”, shkruan Rama në Facebook.
Një ditë më parë presidenti Rinkēvičs zhvilloi bisedime me homologun dhe tij Bajram Begaj dhe kryeparlamentarin Niko Peleshi. Gjatë takimeve, fokusi u orientua në intensifikimin e bashkëpunimeve mes dy vendeve në fusha kyçe si integrimi evropian, siguria rajonale dhe shkëmbimi i përvojave parlamentare.
