Presidenti Ilir Meta ka përshëndetur sonte vendimin e Parlamentit Evropian për njohjen e liderit të opozitës Juan Guaido, si Presidentin legjitim të Venezuelës, e cila prej ditësh tashmë është ngritur në këmbë në protesta për rrëzimin e Presidentit Maduro.
Përmes një postimi në rrjetin social, Meta ka përshëndetur vendimin e Parlamentit, i cili erdhi disa ditë pas aktit që kreu Presidenti Trump.
“Përshëndes vendimin e Parlamenti Europian për të njohur Juan Guaido si Presidentin legjitim të përkohshëm të Venezuelës. Populli i Venezuelës meriton të zgjedhë i lirë Presidentin e tij dhe të organizojë sa më shpejt zgjedhje të lira dhe demokratike”, shkruan Meta.
