Presidenti i Kosovës, Hashim Thaçi e ka dekretuar këngëtarin Sabri Fejzullahu me Medaljen Presidenciale të Meritave.
“Me Medaljen Presidenciale të Meritave, sot e dekorova një prej këngëtarëve më të pëlqyer të publikut tonë për më shumë se gjysmëshekulli. Gati tërë jetën e tij Sabriu na ka argëtuar me këngën dhe humorin e tij. Na ka treguar bukuritë e jetës, por edhe na ka bërë të mendojmë për detyrat dhe obligimet për shoqërinë tonë”, ka shkruar Thaçi në Facebook.
