Presidenti i Kosovës, Hashim Thaçi ka takuar sot kryetarin e Komunës së Tuzit, Nikë Gjeloshaj.
“Në Tuz, rrugës për në Budvë, e takova kryetarin e parë të komunës së re, Nikë Gjeloshaj. Kryetarin Gjeloshaj e urova për fitoren në zgjedhje dhe i dëshirova suksese në detyrën e madhe për ndërtimin e institucioneve, që do të punojnë për të gjithë tuzjanët”, ka shkruar Thaçi në Facebook.
Presidenti Thaçi sot ka udhëtuar për në Budvë të Malit të Zi, ku do të marrë pjesë në Forumin e Sigurisë “То be Secure“.
