Presidentja e Kosovës, Vjosa Osmani, është takuar ditën e sotme me ish presidentin e Shteteve të Bashkuara të Amerikës, George W. Bush.
Lajmin e ka bërë të ditur vetë Osmani përmes një postimi në faqen e saj në Facebook, ku e ka cilësuar Bush si një avokatë të Pavarësisë së Kosovës.
Osmani ka thënë gjithashtu se Bush paralajmëroi Pavarësinë e Kosovës në vitin 2007 në Tiranë, përmes një fraze që sipas saj do të mbetet gjatë në histori: ‘Mjaft është mjaft. Kosova është e pavarur’.
“’Mjaft është mjaft. Kosova është e pavarur’, është fraza paralajmëruese për pavarësinë e Kosovës, e Presidentit George Ë. Bush në Tiranë më 2007, e cila do të mbetet e gdhendur në analet e historisë si një afirmim i vendosur i të drejtës së Kosovës për të qenë e pavarur dhe sovrane.
Kënaqësi që takova lajmëtarin e pavarësisë së Kosovës, Presidentin Bush, i cili ishte një avokues i vendosur për pavarësinë e Kosovës dhe vazhdon të mbetet një mik dhe mbështetës i popullit të Kosovës. ”, ka shkruar Osmani.
