Presidentja, Vjosa Osmani, gjatë një takimi me një delegacion nga Parlamenti Federal i Mbretërisë së Belgjikës në Asamblenë Parlamentare të NATO-s, tha se synimi i Kosovës është që, anëtarësimi në Partneritetin për Paqe t`i paraprijë atij në NATO.
Sipas saj, këto hapa kontribuojnë në stabilitetin jo vetëm të Kosovës, por edhe të rajonit.
Delegacioni nga Parlamenti Federal i Mbretërisë së Belgjikës në Asamblenë Parlamentare të NATO-s, kryesohej nga Theo Francken.
Sipas presidentes Osmani, Kosova është e përkushtuar në përmbushjen e obligimeve të saj si partnere në promovimin e sigurisë dhe stabilitetit rajonal.
“Një pjesë e takimit iu kushtuar edhe mundësive të bashkëpunimit ndërparlamentar dhe fusha të ndryshme me interes të përbashkët”, thuhet në njoftimin për shtyp.
Presidentja ka falënderuar delegacionin për mbështetjen dhe përkushtimin e Belgjikës në misionin e NATO-s dhe partneritetin e saj me Kosovën.
