Kryeministri Boris Johnson në konferencën e sotme për shtyp ka theksuar se fokusi i qeverisë do të jetë te ndërtimi. Ai përcaktoi sesi do të shpenzohen 5 miliardë pound që qeveria do të akordojë për projekte të infrastrukturës në mënyrë që Mbretëria e Bashkuar të “le mbrapa” situatën e koronavirusit.
Po cilat janë disa prej pretendimeve të tij kryesore?
Marrëveshja e re
Boris Johnson tha: “Kjo tingëllon si një marrëveshje e re… sepse kjo është ajo që kërkon koha”.
Në fillimin e viteve 1930, programi New Deal (Marrëveshja e Re) rriti rolin e shtetit në ekonomi dhe u krijua për të ndihmuar SHBA-të të rikuperohen nga Depresioni i Madh.
Krahasimet midis programeve qeveritare në vende të ndryshme, dhe kohë të ndryshme (90 vite largësi kohore) janë shumë të vështira për t’u bërë – ekonomitë kanë ndryshuar.
5 miliardë pound të Boris Johnson arrijnë më pak se një e katërta e një përqind e PBB-së.
Për të marrë një ide të shkallës së rritjes së shpenzimeve qeveritare në vitet 1930, borxhi i qeverisë federale të SHBA u rrit nga 16% e PBB-së në 1929 në 44% të PBB-së në 1939.
Shpenzimet spitalore
Para daljes publike të Johnson, u njoftua se 1.5 miliardë pound do të vihen në dispozicion për mirëmbajtjen dhe rikonstruksionin e spitaleve, transportimin e godinave të shëndetit mendor dhe rritjen e kapaciteteve të A&E.
Në Buxhetin e Pranverës 2020, buxheti i kapitalit i Departamentit të Shëndetësisë dhe Kujdesit Social u rrit me 1.1 miliardë pound, duke e rritur buxhetin vjetor në 8.2 miliardë pound.
Departamenti ka thënë se 1.5 miliardë dollarë të paralajmëruar të martën janë të gjitha paratë “e reja” – që janë në krye të 1.1 miliardëve të hershëm.
Ai gjithashtu duhet të shihet si një pagesë e prapambetur prej 6.5 miliardë poundësh që janë të nevojshme për të zgjidhur problemet në ndërtesat e NHS./BBC
