Një prezantues radiofonik ka vdekur sot nga një atak kardiak i dyshuar, teksa drejtonte programin e tij të përditshëm të mëngjesit.
55 vjeçari Tim Gough, po jepte programin e tij GenX Radio Suffolk kur papritur muzika ndaloi në mesin e këngës, rreth një orë pas nisjes së programit.
Muzika kishte rinisur disa minuta më vonë por zoti Gough, i cili ishte duke folur disa momente më herët, nuk u rikthye më dhe stacioni konfirmoi se ai kishte vdekur.
GenX Radio Suffolk shkruante në rrjetet sociale: “Me zemër të rëndë iu informojmë se prezantuesi programit të mëngjesit Tim Gough ka ndërruar jetë sot duke prezantuar programin e tij”.
Kolegët e tij shtonin se grupet e ambulancës erdhën shpejt në vendngjarje por megjithë përpjekjet e tyre për ta risjellë në jetë për afro 20-25 minuta, nuk kishin arritur ta ndihmonin.
Në profilin e tij në radion e Suffolk thuhej se Tim ishte i lindur e rritur aty dhe prezantonte në radio prej 25 vjetësh.
Ende nuk dihen shkaqet e vdekjes së tij të papritur por ngushëllimet vërshuan në faqen e stacionit radio dhe në rrejtët sociale pas njoftimit të tragjedisë.
Linda shkruante në Facebook: “Një lajm kaq i trishtë, ishte bukur të dëgjoje zërin e tij të gëzueshëm në mëngjes.
Kelly-Anne komentonte: “Miku im i dashur, nuk e kuptoj do të këtë humbje. Programi i tij ishte gjëja më e bukur e mëngjesit, RIP.’
