Bjellorusia ka njoftuar se kreu i grupit Wagner, Yevgeny Prigozhin ka rënë dakord për të de-përshkallëzuar situatën në Rusi.
Tani, Prigozhin ka lëshuar një video mesazh duke konfirmuar se trupat e tij po kthehen në bazat e tyre për të “shmangur gjakderdhjen”, shkruan Skynews.
Ai thotë se “ka dhënë urdhrin për t’u kthyer për shkak të rrezikut të derdhjes së gjakut”.
Udhëheqësi i Wagnerit, Yevgeny Prigozhin ka rënë dakord për të de-përshkallëzuar situatën në Rusi, ka thënë zyra e presidentit bjellorus.
Si pjesë e marrëveshjes, kreu i grupit mercenar Wagner ka thënë se do të ndalojë lëvizjen e luftëtarëve të tij nëpër vend, shkruan Skynews, transmeton Klankosova.tv.
Një marrëveshje për të garantuar sigurinë e trupave të Wagner është gjithashtu në tryezë.
Në njoftim thuhet se presidenti i Rusisë, Vladimir Putin e informoi Alexander Lukashenkon në mëngjes dhe, me miratimin e tij, ai zhvilloi bisedime me Prigozhin.
“Negociatat vazhduan gjatë gjithë ditës. Si rezultat, ata arritën në marrëveshje për papranueshmërinë e kryerjes së një masakre të përgjakshme në territorin e Rusisë”, thuhet në njoftim..
