• Kandidatët e Primareve të Tiranë janë mbledhur për të nisur fushatën. • Të gjithë së bashku kanë shkuar për të mbajtur nga një fjalim para demokratëve të njësisë nr.1&2. • Gjatë fjalës së tyre, demokratët kanë bërë premtime, e kurrë se kanë vënë në diskutim fitoren. • Adriana Kalaja premtoi se qytetarët do zgjedhin vetë kullat që do shemben. Ajo tha se ka një projekt të qartë për ndryshimin e Tiranës, për investimet në shkolla, transport publik dhe mbështetjen e familjeve të reja me kredi të buta duke marrë parasysh se çmimet e apartamenteve janë rritur • Deputeti Belind Këçilli premtoi drejtësi për vrasjen e Adrit Gjoklajt. Këlliçi tha se do të bëjë çdo gjë transparente dhe se cilido qoftë rezultati në fund të primareve ai do t’i japë dorën fituesit dhe do bëjë me të kundër kryebashkiakut Erion Veliaj. • Enkelejda Fejzo premtoi se nuk do të korruptohej, e se fokusin do ta kishte tek shkollimi i fëmijëve. • Mjeku Ilir Alimehmeti ishte gjithashtu optimist për fitoren. Ai tha se për të arritur në 14 maj duhet votat e të gjithë demokartëve prandaj bëri thirrje për bashkim• Ndërsa Julian Deda u shpreh i sigurtë që kryebashkiaku Erion Veliaj do të ikë nga pushteti më 14 maj. Ai e quajti Veliaj një ‘pedofil politik’.
Alimehmeti: Fokusi im transparenca! Na duhet votat e të gjithëve për të arritur në 14 maj
Ilir Alimehemeti
TIRANË- Mjeku Ilir Alimehemeti ka shpalosur sot platformën e tij para demokratëve të njësive 1 dhe 2 në Tiranë. Gjatë fjalës së tij ai e vuri theksin tek transparenca e investimeve që do të bëjë bashkia teksa premtoj se nëse merr besimin e qytetarëve të Tiranës ai që ditën e parë do të ftojë Kontrolln e Lartë të Shtetit dhe auditin që të verifikojë të gjitha shpenzimet e bashkisë. Alimehemti u ndal dhe tek situata në PD në mënyrë indirekte teksa u shpreh se për të arritur në 14 maj duhen votat e të gjithë demokratëve dhe qytetarëve jashtë PD, si shoqëria civile dhe jo vetëm.
Ilir Alihmehemeti: Pa bashkim pa vota të bashkuara ne nuk arrijmë dot në 14 maj, na duhen të gjitha votat tona, na duhet të kemi dhe vota të majta për Tiranën. Detuyra jua është të gjëeni se cila nga këta figura e arrin këtë. Vendosni për vetën tuaj dhe familjen tuaj. Vetëm pasii të fitohet 14 maji diskutohet plaforma. E para që ata kanë më shumë frikë transparenca, unë ftoj që ditën e parë KLSH auditin të shohin qa ka aty. Dua të ju kujtoj fushatën e para 15 viteve të të ndjerit Sokol Ollashi ku propozoi dhe do ta gjallëroj këtë, një mekazëm midis përgjegjësive dhe kontrubutin. Tirana nuk është e pushtuesit është e jona.
Tirana si Teherani’, Bogdani paraqet platformën e tij para demokratëve: Votoni atë që ju sjell fitoren
Gerti Bogdani
TIRANË– Ish-deputeti i Partisë Demokratike Gerti Bogdani ka prezantuar sot platformën e tij para demokratëve të degëve 1 dhe dy në kuadër të procesit të primareve. Në fjalën e tij ai tha se ka ardhur koha për ndryshim teksa akuzoi kryebashkiakun Erion Veliaj për korrupsion. Sipas tij një shkollë ndërtohet me 5 milionë euro ndërsa rrugët janë pa investim si në Teheran dhe Kandahar. Sa i përket planit të tij ai tha se Tirana duhet të ketë një prespektivë për të ardhmen. Ai tha se duhet një transport publik falas për nxënësit parashkollorë, një biletë për të gjithë udhëtimin në transportin publik si dhe të zgjidhet çështja e parkimit.
Gerti Bodani: Fëmijët e shkollës në Ali Dem e bëjnë shkollën me dy turne se Erion Veliaj e ka mendjen të firmosë lejet e ndërtimit, 100 oleje ndërtimi jep në turne. Dhe kur ndërtion shkolla e bën me 2 milionë euro në Zallher dhe 5 milionë euro tek Sami Frashëri. 4 milionë euro shkolla ‘Bashkim Fino’ rruga për të shkuar në shkollë zero. Lekët nuk investohet për vidhen. Rruga për nëe depon e ujit, ka kohë që duket se po rrëshjket sot po rrëshket nesër, ishte gropa sa rroat e makinës, si në Teheren. Paratë për pastrimin ka por vidhen. Përmbyten pallatet Ali Demikt se para ka për të bërë kanalizimet për lekët vidhen. Nuk ka vullbnet për të bërë punë por për të vjedhur, ka ardhur koha për ndryshim, duhet të vijë koha për ndryshim, të respektet edhe Fatmja në Shkozë se hëngri gjobë e desh hyri në burg për një palë kangjella ndërkohë miqtëe e kryetarit ndërtojnë pa leje. 7 kate pa leje po të hapi dritaren e sheh pallatin por ja ka zënë sytë paraja. Duhet t’u rikthejme dinjitetin qytetarëve të Tiranës. Një trasnport publik me një biletë për gjithë qytetin, një transport falas për fëmijët parashkollë, duhet të zgjidhet çështja e parkimit. Votoni atë që ju sjell fitoren, ngjall besim dhe sjell bashkim. Duhet të marrim mbështetjen e qytet
Merkoçi para demokratëve: Më jepni votën, unë e rrëzoj Erion Veliajn! Nuk jam korruptuar dhe kur kam pasur pistoletën në kokë
Ftamir Merkoçi
TIRANË– Fatmir Merkoçi ka shpalosur sot programin e tij para demokartëve të degëve 1 dhe 2 në kryeqytet në kuadër të procesit të primareve në parti. Në fjalën e tij Merkoçi tha se është nga ata njerëz që në 32 vite demokraci nuk është korruptuar kurrë dhe pse ka pasur pistoletën në kokë. Në fund ai u kërkoj demokratëve votën pasi sipas tij është i vetmi që e rrëzon kryebashkian Erion Veliaj.
Fatmir Merkoçi:Unë nuk jam për fjalë jam për vepra, kur kam kërkuar referomën në drejtësi isha i pari, ashtu siç isha i pari që e kundërshtova se ishte e Soros. Sot jemi në diktaturë. Ashtu i Porti i Durrësit që e kundërshtova, sot është kthyer në kauzë dhe mua më vjen shumë mirë se unë di të ndërtoj kauza, nuk merrem me konstatime. Kam ngritur kauzën tjetër, minimumi jetik, kam tre javë që dal para Kryeministrisë, të gjithë heshtën. Jam njeri që për 32 vite dhe me pistoletë në kokë nuk jam korruptuar. I kam lënë Bamir Topit dekorimin në ceremoni zyrtare ja kam lënë për një gjë të madhe hetimi i dosjeve të komunizmit. Unë nuk jam ai që e them dhe iki unë ja u kërkoj burrërisht, më jepni votën unë hedh Erion Veliajn kaq mund të ju them dhe kaq mund të ju kërkojn nëse keni dëshirë bujrum, unë jam ai që hedh Erion Veliajn.
Julian Deda shpreh shqetësimin: Jemi shumë të stresuar. Veliaj, pedofil politik. Do e fitojmë me patjetër Bashkinë
Julian Deda
TIRANË- Aktori dhe kandidati i Primareve, Julian Deda është shprehur besimplotë që demokratët do të fitonin drejtimin e Bashkisë së Tiranës. Në fjalën e tij, gjatë takimit me njësinë 1 dhe 2, Deda tha se ishte i bindur që Veliaj do të rrëzohej nga pushteti, ndërsa shtoi se të gjithë ishin shumë të stresuar dhe për këtë fajin e kishte vetëm kryebashkiaku i Tiranës.
“I fundit, o qan, o qesh. Ngrini kokat demokratë se jemi në festë sot. Është ngjarja më e bukur që i ka ndodhur PD tash e 9 vjet. Që mos ta zgjas shumë, unë jam Julian Deda, kam 20 vjet që jam aktor. Unë kam shërbyer se aktorimi ka mision që të shërbejë. Shërbimin e kam parësor në jetën timë. Ajo që do ngulmoja që ne duhet të luftojmë shumë kundër Erion Veliajt si perso, por modelit të tij si politikan. Duhet që t’i sitim mirë këto gjëra kur të shkojmë në bashki. Se njëri nga ne me patjetër do të shkojë në bashki. Secili nga ne këtu, edhe unë si ata, jam njohës i mirë i kontributeve. Ne të gjithë bashkë duhet të zhdukim modelin e Veliaj se është pedofil politik. Del dhe bëheni me nerva, ia nxjerr gruas dhe fëmijëve. Vjen edhe gruaja me nerva. Prandaj ne qeshim sot, se jemi shumë të stresuar. Na shohin sytë shumë shëmti. Qeshim 2 orë në shtëpi, pastaj ikim dhe stresohemi. Vizion kemi ne. E rëndësishme që të besojmë që këto zgjedhje në 14 maj ne do i fitojmë. Po fitova unë të gjithë ju, do iu kem në krahun tim të djathtë, asnjë në të majtin. Primare të mbara,”-tha Julian Deda.
Fejzo shpalos programin e saj: Fokus në shkolla, kopshte e çerdhe! Jemi në një betejë për jetë a vdekje
Enkelejda Fejzo
TIRANË– Pedagogia Enkelejda Fejzo ka prezantuar sot plaformën e saj para demokratëve të degës 1 dhe 2 në kuadër të procesit të primareve në parti. Në fjalën e saj ajo u shpreh se ka ardhur koha që bashkia t’u rikthehet qytetarëve. Ajo tha se sot familja dhe atdheu janë në rrezik dhe ka ardhur koha që të bëhet gjithçka. Sa i përket plaformëas së saj ajo tha se fokusi do të jetë tek rrugët dytësore që sipas Fejzos janë të harruar, tek gratë e dhunuara, të moshuarit, tek ndërtimi i shkollave dhe qendrave kulturore.
Enkelejda Fejzo: Jam propozuar nga dega 9. Ky ekip do të ketë një garë jo duke folur mirë për njëri-tjetrin. Jam e gatshëm që të jap të gjithë arsenalin tim akademik që të jap kontributin tim. Në këtë vend ky është një mallkim, familja në rrezik, atdheu në rrezik, a duhet të rrijmë akoma kështu. Duhet të dëgjojmë njëri-tjetrin dhe të pëërçojmë mesazhin që ata do të japin. Demokratët duhet të jenë të bashkuar. Sot duke qenë se nga proces dal si e propozuar nga anëtare mendoj se ka ardhur koha Partisë Demokratike të pranojë fyrtyrën e re. Nëse ju mendoni që të rinjtë i kanë çdo gjë në vijë, mendoj se nuk duhet bërë më. Tirana ka nevojë për shumë kopsgte e çerdhe, teatër. Për të folur për një program kam idenë se të gjithë kemi një program, mndryshimi i vetëm është në fusha të ndryshme. Ne jemi për një ide, Tirana do u kalojë demokratëve atyre që u është hequr çdo e drejtë e fjalës, punësimi. Ka ardhur koha që të punojmë dhe t’i lëmë mërinë. Programi im do të jetë për rrugët dytësore që janë të harruara, për gratë e dhunuara, për të rinjtë, moshat e tretta, ne jetojmë përditë dhe të jetosh përditë në këtë mallkim sot është tamam fjala për liri a vdekje.
‘Do punoj për qyetetarët’, Këlliçi prezanton platformën e tij për bashkinë e Tiranës: Përballë kemi një makineri financiare
Belind Këlliçi
TIRANË– Deputeti i Partisë Demokratike Belind Këlliçi ka prezantuar sot platformën e tij për bashkinë e Tiranës para demokratëve të degës 1 dhe 2 në kuadër të procesit të primareve. Në fjalën e tij Këlliç akuzoi kryebashkiakun Erion Veliaj se e ka kthyer Tiranën në një qytet të pajetueshëm dhe të pisët. Sipas tij ai është kthyer në një klloun që bën show dhe nuk punon për qytetarët e Tiranës. Ai u zotua se ditën e parë në bashki do të bëjë transparencë dhe se në fund të garës pavarësisht se cili nga kandidatët demokratë do të dalë fitues në primare ai do t’i shtrëngojë dorën dhe do të jetë me të përballë kryebashkiakut Erion Veliaj.
Belind Këlliçi: Ne sot vjen me një ofertë dhe gjykoj se vijmë si ekip. Në fund të këtij procesi të jemi bashkë dhe të përballemi me Erion Veliajt se kjo është një beteje që bëhet për Tiranën. Duke parandaluar Erion Veliaj parandalojmë dhe një model që është më i keq se Rama. Tirana sot është e pajetueshme dhe e pisët. Përballë kemi një makineri financiare që sot e dimë të gjithë ne. Erion Veliaj është i pasur se është i korruptuar. E kam nisur karrierën time me pantollana të shkurtra duike ngjitur postera dhe jam krenar për këtë. Jam i gatshëm për të udhëhequr një revolucion kundër Erion Veliajt. Më besoni marr çdo ditë mesazhe nga punonjës të bashkisë që janë të gatshëm të votojnë të parët kundër kryeatrit të Bashkisë. Pse? Se në vend që të merren me punë përmes një aplikacioni që e kam parë ditën e djeshme, një aplikacion që ishte për të gjithë socialiastët se sa like duhet të marrin në Fcebook kryetari. Ju premtoj qëndresë. Të jesh kryeatr bashkia nuk do të thotë të jesh klloun cirku për një administrator i mirë. Nëse do më jepet mundësia pas 14 majit që të futem në bashkinë e Tiranës do të bëj akte transparence. Nuk do e harroj çështjen e Ardit Gjoklajt, do e rihap çështjen. Jam i gatshëm për të riskuar gjithçka për Tiranën. Sido të jetë kjo garë unë do të jem i pari që do t’i shtrëngoj dorën kandidatit fitues për të qenë bashkë kundër këti zdromsi Erion Veliaj.
Transport falas për nxënësit, kredi të buta për familjet e reja dhe mbrojtje të kafshëve, Kalaja: Qytetarët do vendosin se cili pallat duhet të shembet
Adriana kalaja
TIRANË- Juristja Adriana Kalaja ka prezantuar sot platformën e saj para demokratëve të degëve 1 dhe 2 në kuadër të primareve në parti. Në fjalën e saj Kalaja tha se ka një plan të qartë për transformimin e Tiranës si dhe vuri theksin tek mbështetja e shtrsave në nevojë, nxënësve, familjeve të reja dhe të moshuarëve. Ajo u ndal dhe tek mbrojtja e kafshëve për të cilët tha se do të ndërtojë një spital të mirëorganizuar për qentë e rrugës.
Adriana Kalaja: Ndihmë për familjet e reja me kredi të buta, të cilat do të përdoren dhe për strehimin e tyre me apo fëmijë. Një familje e ka shumë të vështirë të bëjë një jetë normale dhe të blejnë një pronë duke marrë nisur nga situata se ku kanë shkuar çmimet e apartamentave që nuk janë asgjë tjetër vetëm pastrim i produkteve të veprave penale. Do të kem një program për shtresat e familjeve që kanë vetëm një prind dhe të grave të dhunuara të cilat do të kenë një bonus të veçantë. Tranporti publik për nxënësit deri në klasën e nëntë të jetë falas ashtu si hyrjet në kinema, teatër të jetë falas për moshën e tretë nisur nga vështirësitë financiare që ata kanë. Programi im është shumë i zgjeruar, mendoj se ky program duhet t’i shërbejë një Tiranë të kthyer në normalitet për një periudhë 100-vjeçare. Si jjë kafshë dashëse do të kem një fokus të veçantë për katërputroshët e rrugës, kjo është një gjë shumë e mirë për jetën e qytetarëve në kryeqytetin tonë. Ju kërkoj votën tuaj. Motoja ime do të jetë së bashku ta kthejmë Tiranën në shtëpinë tonë, së bashku ta kthejmë Tiranën në familjen tonë. Populli i Tiramnës duhet të vedosë vetë nëpërmjet votës me referendum për investimet publike nëse duhet të shembet ose jo një ndërtesë.
