Duka i Sussex do të jetë zyrtari kryesor i Silicon Valley BetterUp, bëri të ditur kompania. Një zëdhënës i Harry gjithashtu konfirmoi rolin e ri të princit. BetterUp ofron trajnime këshillimi the mentorimi për klientët. Në faqen e internetit të kompanisë Harry renditet si pjesë e grupit drejtues duke e përshkruar atë si një “humanitar, mentor dhe ambientalist”.
Harry filloi punë disa javë pasi ai dhe Meghan, Dukesha e Sussex dhanë intervistën për Oprah Winfrey, ku jepeshin detajet e vendimit të çiftit për t’u larguar nga Britania e Madhe duke hequr dorë nga rolet e larta në familjen mbretërore britanike. Wall Street Journal ishte e para, që njoftoi se Harry do të fillonte punë në BetterUp.
Në BetterUp, Harry pritet të ketë kontribut në vendimet strategjike të produkteve dhe kontributeve bamirëse dhe do të mbrojë publikisht mbi tema që lidhen me shëndetin mendor, raportoi gazeta. Gazeta bëri të ditur se BetterUp nuk pranoi të komentonte se sa do të paguhej Harry.
