Princi më i vogël i familjes mbretërore britanike, Louis, ka festuar ditëlindjen e tij të shtatë, dhe prindërit e tij, Princi William dhe Princesha e Uellsit, Kate Middleton, e shënuan këtë moment të veçantë me një fotografi të publikuar në Instagram.
Në imazh, Louis shfaqet i buzëqeshur, ulur mbi një trung peme, me sfond një pyll pranveror që reflekton dashurinë e familjes për natyrën. Ajo që bie menjëherë në sy është një detaj i ëmbël dhe tipik për moshën e tij, mungesa e dhëmbëve të përparmë.
Postimi në Instagram shoqërohet me një mbishkrim të shkurtër: “I urojmë Princit Louis ditëlindje të lumtur për 7-vjetorin e tij!”
