Princi i kurorës saudite Mohammed bin Salman u ndal në Athinë, ndërsa filloi udhëtimin e tij të parë në Bashkimin Evropian që nga vrasja e gazetarit saudit Jamal Khashoggi në vitin 2018.
Gjatë javës ai do të shkojë edhe në Francë. Qëllimi i vizitës sipas oborrit mbretëror saudit, është “të diskutohen marrëdhëniet dypalëshe dhe mënyrat për t’i përmirësuar ato në fusha të ndryshme”, energjia është një prej çështjeve kyçe.
“Besoj se kemi shumë mundësi historike të cilat do t’i finalizojmë sot, duke nisur me rrjetin e energjisë elektrike që mund t’i sigurojmë Athinës dhe Evropës Jugperëndimore nëpërmjet Greqisë me energjinë e rinovueshme, shumë më të lirë. Po punojmë sesi ta shndërrojmë Greqinë në një qendër të hidrogjenit. Ky është një ndryshim i lojës për të dyja shtetet.
Princi i kurorës është parë me mosbesim në Perëndim që nga vrasja e gazetarit Khashoggi nga agjentët sauditë në konsullatën e mbretërisë në Stamboll në tetor 2018. Mohammed bin Salman është akuzuar për ngjarjen.
Ky udhëtim në Evropë vjen më pak se dy javë pasi Presidenti i SHBA Joe Biden u takua me princin në një samit ku ishin të pranishëm edhe liderë të tjerë arabë.
Ekspertët thonë se ky zhvillim tregon se kërkimi për furnizime me naftë dhe gaz në krizën aktuale energjetike e ka detyruar Perëndimin të afrohet me princin saudit.
