Në një video-mesazh muajin e kaluar, Princesha e Uellsit, tha se testet e bëra pas operacionit abdominal që ajo iu nënshtrua në janar kishin zbuluar kancerin, diçka që ajo e përshkroi si një “shok të madh”.
Princi William i Britanisë do të kthehet në detyrat publike të enjten për herë të parë që kur gruaja e tij Kate zbuloi se ajo po i nënshtrohej kimioterapisë parandaluese për kancerin. Në një video-mesazh muajin e kaluar, Princesha e Uellsit, tha se testet e bëra pas operacionit abdominal që ajo iu nënshtrua në janar kishin zbuluar kancerin, diçka që ajo e përshkroi si një “shok të madh”.
Edhe pse William dhe djali i tij i madh Princi George u fotografuan duke parë ekipin e tyre të preferuar të futbollit Aston Villa duke luajtur javën e kaluar, e enjtja shënon herën e parë që William do të bëjë paraqitje publike zyrtare që nga njoftimi i Kate.
Ai do të shohë punën e një shoqate bamirësie për rishpërndarjen e ushqimit të tepërt përpara se të vizitojë një qendër rinore e cila merr dërgesa të rregullta nga ajo organizatë. Ndërkohë Kate do të kthehet në detyrat publike vetë kur ekipi i saj mjekësor të thotë se ajo është mjaft mirë për ta bërë këtë, por asnjë afat kohor nuk është vendosur për këtë.
