Princi William dyshohet se e shtyu Mbretëreshën e ndjerë Elizabeth II të ndërhynte në fushatën e referendumit të pavarësisë së Skocisë.
Princi i Uellsit, thuhet se e ka nxitur gjyshen e tij të përfshihej gjatë fushatës para votimit të vitit 2014 mbi ndarjen e mundshme të Skocisë nga Mbretëria e Bashkuar.
Trashëgimtari i fronit, atëherë Duka i Kembrixhit, e ndihmoi atë të jepte një kontribut vendimtar në vendimin e popullsisë skoceze.
Mbreti i ardhshëm ‘ushtroi presion’ disa ditë përpara votimit të shtatorit 2014, sipas biografit mbretëror Valentine Low.
Mbretëresha, e cila vdiq në moshën 96 vjeç në shtator 2022, kishte lëshuar atë që u quajt një thirrje e jashtëzakonshme për kujdes në referendumin e pavarësisë së Skocisë në vitin 2014. Ajo tha se skocezët duhet ta shqyrtojnë me kujdes nëse duan të largohen nga Mbretëria e Bashkuar, duke i thënë një anëtari të publikut: “Shpresoj që të gjithë ta mendojnë me shumë kujdes referendumin këtë javë”.
