Ministri i Financave në Britani, Rishi Sunak, tha se prioriteti i tij është shpëtimi i vendeve të punës, ndërsa pyetej mbi mundësinë e rritjes së taksave për të paguar kostot e mëdha të pandemisë. Ai shtoi se pasi të kalojë kriza e Covid-19, njerëzit duhet të presin masa për të fuqizuar financat publike.
“Aktualisht, prioriteti është mbrojtjta e sa më shumë vendeve të punës. Nuk do të jetë e mundur për t’i shpëtuar të gjitha. Ne kemi përmirësuar aftësinë e kompanive për të marrë praktikantë të rinj, në çdo fazë të karrierës. Megjithatë, pasi të kalojë kriza, njerëzit duhet të presin nga ne që të fuqizojmë financat publike.”
Programi i shpenzimeve emergjencë i Sunak, përfshirë subvencionet për të ngadalësuar rritjen e papunësisë, do të kushtojë rreth 200 miliardë paundë këtë vit dhe e ka çuar që tani borxhin publik në mbi 2 trilionë paund, apo në 100% të Produktit të Brendshëm Bruto. Programi i mbështetjes së pagave pritet të skadojë në fund të Tetorit dhe do të zëvendësohet nga një skemë më pak e bollshme. Sunak tha se Britania nuk mund të vazhdojë të marrë hua në sasi gjigante në afat-gjatë.
“Nuk mund të vazhdojmë këtë përgjithmonë. Niveli i huamarrjes, që do të jetë në nivele rekord këtë vit, nuk është i qëndrueshëm për ekonominë në afat-gjatë. Pasi të marrim situatën nën kontroll, ne duam të rikthejmë financat publike në një pozicion të fortë.”
Ndërkohë që Sunak ka refuzuar të përjashtojë rritjen e taksave, ekspretët thonë se ai nuk ka gjasa të nxitojë për të balancuar defiçitin buxhetor, duke parë gjëndjen e vështirë ekonomike. Ministri mbrojti gjithashtu vendimin për të mbyllur baret dhe restorantet sipër orës 10.
Klevis Llaha / SCAN