Klubi i Basketbollit Z Mobile Prishtina sonte ka shënuar histori, duke arritur që të hyjë në mesin e 16 klubeve më të mira në FIBA Europe Cup.
Në ndeshjen e zhvilluar në Pallatin e Rinisë dhe Sporteve në Prishtinë, basketbollistët prishtinas kanë shënuar fitore, duke e mposhtur Pinar Karsiyaka, me rezultat 82:78.
Mysafirët në pjesën e parë dhe të dytë u treguan më të mirë, por vendasit arritën që të rikthehen në lojë në pjesën e tretë, kurse në pjesën e katër ishin dominues të lojës, duke e rikthyer rezultatin në favor të vetin dhe arritën të shënojnë fitore të merituar. Tani Z Mobile Prishtina kalon në vendin e tretë në Grupin I, duke e siguruar një vend në mesin e 16 ekipeve më të mira në FIBA Europe Cup.
