Prishtina ka nisur përgatitjet festive për 28 Nëntorin, Ditën e Flamurit kombëtar, një nga datat më të rëndësishme për kombin shqiptar.
A2 CNN raporton se që prej orëve të para të mëngjesit, punonjësit e shërbimeve publike kanë filluar vendosjen e flamujve kombëtarë shqiptarë dhe atyre shtetërorë të Republikës së Kosovës në sheshet dhe rrugët kryesore të kryeqytetit.
Sheshi “Zahir Pajaziti”, “Nëna Terezë”, “Skënderbeu” si dhe zona përreth bulevardit kryesor janë zbukuruar me qindra flamuj, duke sjellë atmosferën festive të këtij muaji.
