Në shkrimet e tij të famshme “Les Prophéties” (1555), Nostradamusi përmend një vit të trazuar për Europën, ku “fuqitë e mëdha do të përplasen” dhe ku “një murtajë e madhe nga e kaluara do të rikthehet”.
Edhe pse Britania nuk është përfshirë drejtpërdrejt në ndonjë luftë këtë vit, vendi është tronditur nga sulme të izoluara me thikë dhe sulme kibernetike ndaj rrjeteve të mëdha tregtare ngjarje që shumë e lidhin me frazën “armiq nga brenda dhe jashtë”.
Në një tjetër katërvargësh, Nostradamusi shkruan për “fuqitë që humbasin ndikimin dhe të reja që ngrihen”, çka disa e kanë parë si referencë ndaj përplasjes mes Rusisë dhe Perëndimit, rritjes së ndikimit të Kinës dhe dobësimit të Bashkimit Europian në arenën ndërkombëtare.
Një tjetër profeci që po përflitet është ajo për “zhvillime të mëdha mjekësore”, që shumë i lidhin me përparimin e vaksinës kundër tuberkulozit dhe përdorimin e inteligjencës artificiale për diagnostikim të hershëm të sëmundjeve.
Sipas disa interpretuesve, përmendja e “Hënës” dhe “bronzit francez” mund të lidhet me rolin e Francës dhe Turqisë në përpjekjet diplomatike për t’i dhënë fund luftës në Ukrainë, një tjetër parashikim që Nostradamusi e kishte lidhur me “një konflikt të gjatë që shteron ushtritë”.
Nga ana tjetër, fallxhorja bullgare Baba Vanga, e quajtur “profetesha e Ballkanit”, thuhet se kishte parashikuar për vitin 2025 një luftë shkatërruese në Europë dhe tërmete të fuqishme që “do të ndryshojnë faqen e Tokës”.
Gjatë këtij viti, tërmetet vdekjeprurëse në Filipine, Afganistan dhe Nepal kanë shkaktuar qindra viktima, ndërsa tensionet mes Rusisë, NATO-s dhe Lindjes së Mesme kanë bërë që shumë ta shohin këtë si “parashikim të përmbushur pjesërisht”.
