Ylli i Popit, Christina Aguilera, do të kthehet në Las Vegas për një qëndrim që do t’i sjellë shumë miliona dollarë në klubin e ri të natës “Voltaire” në The Venetian në Las Vegas Strip.
Christina pritet të fitojë disa milionë dollarë fillimisht për vizitën e saj të parë. Gjithçka pritet të nisë në fund të dhjetorit dhe të përfshijë një shfaqje në natën e Vitit të Ri.
Sipas burimeve të brendshme, Christina ka punuar fshehurazi prej muajsh me ekipin e Voltaire për të krijuar një shfaqje unike me një ndjenjë të vërtetë të kabaresë së modës së vjetër. Ajo është aktualisht duke bërë prova në Los Anxhelos teksa po punon për të krijuar “shfaqjen e saj më intime ndonjëherë” në këtë vend, i cili mban rreth 1000 njerëz.
“Ajo pëlqen që fansat janë shumë pranë saj në skenë në një ambient kompakt me klas”, tha një burim nga Las Vegas. “Ajo ka planifikuar shfaqjen dhe ka bërë prova për të ofruar një kolazh të hiteve të saj më të mëdha në një mënyrë unike, duke i ofruar audiencës një ndjenjë të të qenit me të brenda një ambienti privat”.
Shfaqjea e mëparshme e Christina -s, e titulluar The Xperience , nuk mundi ta vazhdonte ekzekutimin e saj përfundimtar nga bllokimet dhe kufizimet e Covid në vitin 2020.
