Gjermania njihet se nuk ka kufizim shpejtësie nëpër autostrada, por milioneri çek që ka drejtuar veturën e tij me shpejtësi 417 kilometra në orë, duket se ka testuar limitet e asaj që është e tolerueshme, raporton BBC.
Radim Passer tash po hetohet për këtë vozitje në autostradën në Saxony-Anhalt.
Zyra e Prokurorit në Stendal ka nisur hetimet për këtë rast.
Sipas raportimeve, çeku mund të përballet me dënim me burgim prej dy vjetëve apo me gjobë.
Çeku kishte postuar video verën e kaluar duke drejtuar veturën e tij Bugatti Chiron në autostradën A2 mes Berlinit dhe Hannoverit. Ai e kishte postuar videon në YouTube.
Në video shihet se shpejtësia kishte arritur në 417 kilometra në orë.
Policia kishte nisur hetimet pas këtij rasti. Ndërsa edhe Ministri i Transportit i Gjermanisë, Volker Wissing kritikoi.
