Fqinjët po duken të pakënaqur pasi një mësues e bëri shtëpinë e tij “të pakëndshme” duke e lyer me ngjyrë portokalli të ndezur.
Sipas mediave të huaja, përcjell Telegrafi, Carl Rawling u kërkoi dekoruesve të rilyenin pjesën e përparme dhe të pasme të shtëpisë rreth një muaj më parë, kur fqinjët e tij ishin larg me pushime.
Ata u kthyen për të zbuluar se shtëpia ishte kthyer nga një ngjyrë “e harruar” në një portokalli të spikatur.
Dhe tani pika më e madhe e bisedës në Sea View Drive në Scarborough është ‘Shtëpia Tango’ dhe jo pamjet piktoreske të detit.
Pronari i shtëpisë nuk pranoi të komentojë për punën e tij, por shumë fqinjë janë të mërzitur për skemën e ngjyrave, e cila është e ligjshme dhe brenda rregullave të planifikimit.
