Protesta para Kryeministrisë, procedohet nga policia Adriatik Lapaj (video)

Policia e Tiranës ka proceduar penalisht kreun e Lëvizjes Shqipëria Bëhet Adriatik Lapaj pas protestës së djeshme te Kryeministria.Sipas njoftimit zyrtar, specialistët për Hetimin e Krimeve të Komisariatit të Policisë Nr. 1 referuan materialet në Prokurori për shtetasin A. L., pasi dyshohet se ka bërë grumbullime dhe ka zaptuar hapësirën publike përpara godinës së Kryeministrisë, duke penguar qarkullimin e lirë të lëvizjes.Materialet procedurale iu referuan Prokurorisë së Tiranës, për veprime të mëtejshme.Kreu i Lëvizjes “Shqipëria Bëhet” Adriatik Lapaj qëndroi 12 orë para ambienteve të Kryeministrisë në formë proteste kundër qeverisë Rama.