Një përditësim i fotografisë së profilit të Faqes zyrtare të Federatës Botërore të Tenisit (ATP) ka bërë bujë të madhe. ATP vendosi në Facebook si foto profili flamurin “Autochthonous”, me figurat e njohura të Ismail Qemalit e Isa Boletinit, duke uruar kështu shqiptarët për 28-29 nëntorin.
Mediat serbe, në artikujt e tyre, nuk kanë hezituar ta quajnë skandal, ose provokim. Gjithsesi, vlen për t’u theksuar se faqja zyrtare ndryshoi shpejt foton e profilit, duke vendosur kështu simbolet e veta.
Gjithashtu, mund të shikohet fare thjeshtë një postim në gjuhen angleze, ku duket edhe flamuri “Autochtonous”. “Gëzuar ditën e pavarësisë” – shkruhej ndër të tjera në postim.
Publikimi është mjaft i pasur edhe me emoji, ku bie në sy flamuri i Shqipërisë, Kosovës, apo edhe Shqiponja… Epo, gëzuar!
