Presidenti amerikan Donald Trump ka shkaktuar reagime të forta pasi, gjatë një fjalimi në Miami, iu referua Ngushticës së Hormuzit si “Ngushtica e Trump”, në një moment që shumë analistë e cilësojnë si provokim të qëllimshëm politik.
Duke folur në një event investimesh, Trump deklaroi se Irani duhet të “hapë Ngushticën e Trumpit – dua të them, Hormuzin”, duke nxitur të qeshura në sallë. Ai theksoi se nuk bëhet fjalë për gabime të rastësishme, duke lënë të kuptohet se komenti ishte i menduar.
Deklarata vjen në një moment kritik të përshkallëzimit të tensioneve me Iran, ndërsa ngushtica mbetet një pikë kyçe strategjike për furnizimin global me naftë. Bllokimi i mundshëm i saj, që përpunon rreth 20 milionë fuçi naftë në ditë, ka tronditur tregjet ndërkombëtare të energjisë.
Raporte të mediave amerikane sugjerojnë se Trump po shqyrton edhe ide më të forta, përfshirë marrjen e kontrollit të ngushticës dhe madje riemërtimin e saj. Këto zhvillime kanë shtuar tensionet diplomatike dhe kanë ngritur pikëpyetje mbi qëllimet reale të administratës.
Kjo nuk është hera e parë që Trump përdor emrin e tij në mënyrë simbolike, duke e kthyer atë në një element të fuqishëm të imazhit dhe strategjisë politike.
