Miratimi i rregullores së Komisionit Hetimor për Zgjedhjet e 25 Prillit ka qenë çështje kryesore që hapte debate dhe ka shkaktuar edhe largimin e deputetëve socialistë nga mbledhja.
Pas shumë diskutimesh, sapo është miratuar rregullorja e Komisionit, e propozuar nga deputeti demokrat Edmond Spaho. Deri më tani, kjo rregullore është pranuar në parim, ndërsa pritet votimi nen për nen pas kthimit nga pushimi.
Zëvendës kryetari i komisionit, Tonin Gogu tha “Jemi dakord që të marrim ne shqyrtim atë rregullore që ka firmosur zoti Spaho”.
Kryetari i Komisionit Enkelejd Alibeaj tha “Të marrim një nga rregulloret e mëparshme të Komisioneve Hetimore”.
Pas këtyre propozimeve, komisioni votoi me shumicë rregulloren në parim, ndërsa nga deputetët socialistë u kërkua 5 minuta pushim para se të bëhej votimi nen për nen.