Ditën e sotme Kuvendi, mos kundrërshtimeve dhe do të mblidhet për të votuar ndryshimet në Kodin Zgjedhor.
Në Kuvend do të kalohet drafti i miratuar nga Komisioni i Ligjeve disa ditë më parë, teksa parashikohet ndalimi i koalicioneve parazgjedhore, prag 1% për partitë e koalicionet si dhe një listë që PS pretendon se është e hapur, por që në fakt është e mbyllur.
Palet tashmë janë në pozicione të kundërta. Kryeministri Edi Rama ditën e djeshme theksoi se konsensusi gjendet te Kushtetuta dhe bëri të qartë se i ka dhënë shumë opozitës.
Po ashtu një ditë më parë opozita e përfaqësuar nga Oerd Bylykbashi dhe Petrit Vasili u shprehën kundër ndryshimeve të Kodit Zgjedhor , në Kuvend.
Në një deklaratë për mediat të mbajtur ditën e djeshme përfaqësuesi në Këshillin Politik të PD-së Oerd Bylykbashi dhe përfaqësuesi i LSI-së Petrit Vasili deklaruan se kryeministri Rama ka thyer çdo marrëveshje dhe konsensus.
“Me votimin e nesërm, të bazuar mbi miratimin e njëanshëm, Rama shkatërron marrëveshjen e 14 janarit, konsensusin e Këshillit Politik dhe 5 qershorin. Duke ndërhyrë drejtpërdrejt në elementë të 5 qershorit. U miratuan më 30 qershori, dhe parlamenti i bëri ligj më 23 korrik”, ka thënë Bylykbashi.
Ndërkaq do të ketë dhe një favorizim të kryetarit të partisë pasi do të mund të kandidojë në 4 zona zgjedhore.
Ndërkohë opozita parlamentare duket e ndarë, teksa disa deputetë kanë paralajmëruar se do e bojkotojnë seancën.
