Partia Socialiste mbledh sot Asamblenë Kombëtare të saj. Kryetari i PS-së, Edi Rama ka thirrur anëtarët e forumit politik me një vendim të prerë, ku thuhet se askush nuk duhet të mungojë. Anëtarësia e Asamblesë është njoftuar në fillim të kësaj jave për mbledhjen e forumit, i cili do të sjellë një mesazh politik edhe nga kryetari Rama. Partia që qeveris vendin për të 11-in vit radhazi po përgatit kongresin e saj zgjedhor, me qëllim përgatitjen për zgjedhjet parlamentare të vitit 2025.
Në Asamble do të diskutohet për jetën e brendshme te socialistëve, situatën politike në vend dhe detyrimet e të majtëve për të rritur efeciencën në qeverisje dhe në proceset integruese të vendit.
Mbledhja e Asamblesë është e para që thirret për këtë vit dhe e para pas kongresit të 8 dhjetorit të vitit të kaluar.
