Mesazhet e fundit para zgjedhjeve të 6 marsit, kryeministri Rama zgjodhi t’i japë në Shkodër, aty ku pritet të jetë dhe beteja më e ashpër.
Votën për Majlinda Angonin, Rama e cilësoi si vënie në provë për kandidaten socialiste.
Kandidatët e 2 kampeve të Partisë Demokratike i likuidoi me një batutë.
Moszgjedhjen e socialistëve në Shkodër, Rama e lidhi me komunizmin, ndërsa kërkoi thyerjen e këtij miti pas 32 vitesh.
Rama premtoi se vota për të majtën në 6 mars do të sillte ndryshim rrënjësor për Shkodrën, të cilën e cilësoi si të marrë peng nga e shkuara.
