Influenceri kundërthënës Andrew Tate dhe vëllai i tij Tristian janë nisur drejt SHBA-së pasi u larguan nga Rumania ku po përballeshin me akuza për përdhunim, trafikim të miturish dhe pastrim parash. Krejt këto akuza ata i kanë mohuar.
Shtrohet pyetja se përse u lejuan të udhëtonin dhe çfarë ndodhë me proceset e tyre gjyqësore.
Kush janë vëllezërit Tate?
Andrew Tate, 38-vjeçar, dhe vëllai i tij Tristian, 36-vjeçar, kanë shtetësi të dyfishtë britanike dhe amerikane. Ata pretendojnë se kanë bërë miliona para nga perandoria e tyre e rrjeteve sociale.
Paraqitja e tyre online ishte shumë problematike dhe para problemeve të tyre ligjore. Vazhdimisht ishin cak i kritikave për qëndrimet e tyre rreth grave.
Vëllezërit kanë babanë amerikan, i cili ka punuar në Forcat Ajrore të SHBA-së në Britani. Prindërit e tyre u njoftuan në Britani para se t’ia mësynin SHBA-së.
Pas shkurorëzimit të prindërve, nëna u kthye në Luton të Anglisë. Vëllezërit janë rritur në Britani dhe nisën karrierën e tyre.
Policia britanike e ka lidhur Andrew Tate me radikalizimin e djemve në një raport kundër grave dhe vajzave.
Vëllezërit u arrestuan për herë të parë në Rumani në vitin 2022. Ata përballen me akuza të ndara që kanë lidhje me përdhunimin dhe trafikimin me njerëz në Britani të Madhe.
Përse vëllezërit ikën në SHBA?
Për më shumë se dy vjet, vëllezërit Tate e kanë pasur të ndaluar të udhëtojnë në Rumani sepse ishin nën hetime.
Spekulimet për largimin nga Rumania kishin nisur në javët e fundit sepse nuk ishin aktivë në rrjetet sociale.
Ata janë larguar nga aeroporti i Bukureshtit në orën tre pas mesnate dhe kanë fluturuar drejt Floridës me një aeroplan privat.
Prokurorët kanë thënë se ndalesa e udhëtimit është hequr dhe pasaportat amerikane u ishin kthyer, por nuk janë shuar hetimet për krimet që dyshohet se i kanë bërë.
Tatët kanë shumë ndjekës në SHBA dhe janë në mesin e figurave me elemente të së djathtës amerikane.
Situata ka ndryshuar kur përfaqësuesi special i SHBA-së, Richard Grenell ngriti çështjen e vëllezërve me ministrin e jashtëm rumun në një takim në Munich.
Emil Hurezeanu ka thënë se qasja e Grenellit ishte një formë presioni. Grenelli i ka thënë Financial Times se përkrahja e tij për vëllezërit është e dukshme.
Tatët janë përkrahës të Donadl Trumpit, ndërkaq Elon Musk ktheu llogarinë e Andrew Tate në X pasi ishte bllokuar për qëndrimet e tij.
