Ne kemi raportuar për situatën dëshpëruese në qytetin port jugor të Mariupolit gjatë javëve të fundit, me qytetin aktualisht të rrethuar nga forcat ruse dhe të bombarduar pothuajse vazhdimisht me granatime.
Por pse ky qytet është një objektiv kaq kyç?
Analisti ushtarak, zëvendës-marshalli Ajror Sean Michael Bell flet për një gjë të tillë.
Sipas SkyNews, përcjell Telegrafi, Bell shpjegon se përgjigja për këtë daton në disa qindra vjet më parë, kur Perandoria Ruse zotëronte pjesën më të madhe të vijës bregdetare përreth.
Dhe presidenti rus Vladimir Putin dëshiron të “kthejë ditët e Perandorisë Ruse”, vlerëson ai.
Por qyteti është gjithashtu një objektiv taktik, sepse marrja e tij do të ndihmonte në lidhjen e Krimesë së aneksuar me rajonin lindor të Donbasit, i cili kontrollohet pjesërisht nga separatistët pro-rusë.
Pse u duhet kaq shumë kohë forcave ruse për të marrë qytetin?
Forcat ruse dhe ukrainase janë aktualisht “të bllokuara në luftën urbane”, shpjegon Bell.
Ukrainasit po luftojnë për çdo rrugë, çdo shtëpi dhe çdo lagje – “një kambanë e mirë e rezistencës ukrainase në të gjithë vendin”.
Situata në Mariupol gjithashtu “nxjerr në pah gënjeshtrën” e Putinit kur ai u thotë rusëve në Rusi, se Rusia nuk po bombardon qytete apo civilë, përcjell Telegrafi.
Përkundrazi, qindra fotografi dhe video tregojnë shënjestrimin rus të shkollave, spitaleve dhe një teatri.
Çfarë do të ndodhte më pas nëse Mariupol do të binte në duart e rusëve?
Bell shpjegon se ka “dy opsione të qarta” për Rusinë nëse arrin të marrë Mariupolin.
Së pari, Putini mund të vendosë të “negociojë nga një pozicion më i fuqishëm” dhe të bëjë thirrje për dorëzimin e kryeqytetit të Ukrainës, Kievit.
Ose ai mund të vazhdojë duke thirrur më shumë forca nga Rusia.
Ky është një opsion më i rrezikshëm pasi atij do t’i duhej të mobilizonte ekonominë ruse dhe të angazhohej në rekrutim në shkallë të gjerë, thotë Bell.
Bell mendon se (deri më tani) nuk e kemi parë atë nivel të përkushtimit të trupave ruse që nga Lufta e Dytë Botërore – që do të kishte “implikime të rënda” për NATO-n dhe Perëndimin.
