Kilian Mbape tashmë do të largohet nga Parisi me destinacion Madridin. Edhe pse ende nuk është asgjë nuk është zyrtare, palët duket se gjithcka kanë mbyllur sa i takon këtij transferimi që pritej prej kohësh.
Por Paris Saint-Germain nuk do të qëndrojë duarkryq. Klubi francez është i gatshëm të paguajë 140 milionë euro për të nënshkruar yllin e Arsenalit, Bukajo Saka, si zëvendësues të Mbape. PSG ka filluar të ndjekë një politikë transferimi që synon të marrë talente franceze, me Osman Dembele, Randal Kolo Muani dhe Nordi Mukiele që të gjithë shkuan në “Parc des Princes” verën e kaluar.
Lojtarë të tjerë të rinj vendas si Uarren Zaire-Emeri dhe Bradlej Barkola po luajnë gjithashtu role kyçe në skuadër. Megjithatë, PSG-ja është ende në kërkim të talenteve europiane dhe ka vendosur për yllin e Arsenalit, Saka, si objektivin e tyre kryesor për të zëvendësuar Mbappe.
Shtohet se PSG-ja është e gatshme të bëjë një ofertë prej të paktën 140 milionë eurosh, e cila do ta bënte 22-vjeçarin shitjen rekord të Arsenalit.
