Benzema, Messi dhe Mbappé janë 3 finalistët për çmimin “The Best”, që jepet nga FIFA.
Nëse Benzema fitoi Topin e Artë në fund të vitit të kaluar, Messi duket se ka avantazh për këtë çmim, pasi merret në konsideratë edhe Botërori, të cilin Messi e fitoi me Argjentinën, duke shkëlqyer në kompeticion.
Nga ana e tij, Benzema mungoi në Katar për shkak dëmtimi, por ka fituar si protagonist Champions League dhe kampionatin spanjoll.
Fituesi i fundit i çmimit The Best ishte Robert Lewandowski.
Për këtë çmim votojnë kapitenët e kombëtareve, trajnerët e kombëtareve, gazetarët dhe tifozët nëpërmjet faqes së internetit të FIFA-s. Verdikti do të jepet në 27 shkurt, në një ceremoni gala që do të organizohet në Paris.
