Shqipëria padyshim që nuk e nis si favorite “EURO 2024” dhe kundërshtarët që i ka vendosur përballë shorti sigurisht që e bëjnë rrugëtimin e saj shumë më të vështirë.
Kompanitë e basteve, menjëherë pas shortit, kanë vendosur edhe koeficientet për të përcaktuar favoritët e turneut.
Kompania e njohur “Bet365” sheh Francën dhe Anglinë si favoritet kryesore për të fituar Europianin, me koeficientin 4,5.
Ndërkohë, Shqipëria është ndër ekipet me koeficientin më të lartë, 501, madje shumë më të lartë edhe se Polonia (251), e cila ende nuk e ka siguruar kualifikimin për në fazën e grupeve të Evropianit.
Ndërkohë, për ndeshjen e parë kundër Italisë, fitorja e Shqipërisë kuotohet 7,5, fitorja e Italisë 1,4, ndërsa barazimi 4,5.
