Televizioni serb “Nova S” ka publikuar një hartë të shtetit serb, ku Kosova nuk është pjesë.
Ky veprim ka shkaktuar reagime të shumta në Beograd. Mediat e tjera të shkruara, e kanë cilësuar publikimin e kësaj harte si“skandal”.
Sipas raportimeve, televizioni që ka publikuar hartën është përkrahës i opozitës në Serbi. Për këtë arsye mediat serbe përkrahëse të presidentit, Aleksandër Vuçiç, e kanë sulmuar Dragan Gjilasin, kreun e opozitës serbe duke e cilësuar si një njeri që po shet Kosovën dhe po bën kompromis me armiqtë e vendit.
Ndërkohë, fotografia dhe raportimet në lidhje me këtë hartë të publikuar janë bërë virale në rrjetet sociale.
