Vladimir Putin ka humbur kolonelin e tij të 38-të në luftën në ukrainë, ndërsa bilanci mes trupave ruse sa vjen e rëndohet.
Kolonel-Lejtnand Fyodor Evgenievich Solovuov, 44 vjec, humbi jetën në luftimet në Donbas, sipas raporteve nga Rusia.
Soloyov ishte komandant i regjimentit të artilerisë të Hovitzerëve, të divizionit të 127 të motorizuar. Ai u varros me nderime ushtarake në fshatin Chunaki, në rajonin Penza të Rusisë.
Mediat vendase shkruajnë se ai vdiq si një hero në territorin e republikës popullore të Donetskut. Detaje të tjera nuk janë dhënë për mënyrën se si ai humbi jetën, por pas vdekjes, koloneli 44 vjecar është nderuar me Urdhërin e Kurajos të Rusisë.
Nëntë gjeneralë dhe 38 kolonelë janë vrarë që nga 24 shkurti në luftën e Putinit, sipas statistikave, edhe pse vetë Rusia nuk ka dhënë asnjëherë një bilanc të saktë.
Sipas disa raporteve të fundit, SHBA i ka dhënë informacione Ukrainës duke e ndihmuar atë të marrë në shënjestër komandantët e lartë rusë, me qëllim shkatërrimin e moralit të forcave të Putinit.
