Pas luftës së përgjakshme në Ukrainë, presidenti rus Vladimir Putin duket se planifikon të krijojë një shtet të ri, duke bashkuar territoret e pushtuara nga Rusia.
Plani mendohet të jetë të hartuar nga zyrtarë të lartë të partisë në pushtet në Rusi, u cili bën thirrje për krijimin e një shteti të ri të quajtur “Rusia e Jugut”.
Drafti po shpaloset ndërsa luftimet janë të përqendruara në Ukrainën lindore dhe jugore, me forcat ruse që sulmojnë fronte të shumta në këtë rajon.
Në të njëjtën kohë, zyrtarët prorusë në Ukrainë kanë shprehur synimin e tyre për të mbajtur referendume në rajonet Donetsk dhe Luhansk të Ukrainës, shumica e të cilave ka qenë nën separatistët e mbështetur nga Rusia për gati tetë vjet.
Draft dokumenti nuk specifikon se cilat territore të pushtuara do të përbënin shtetin e ri të “Rusisë së Jugut. Por ai pretendon se Ukraina e humbi legjitimitetin e saj pas protestës së përgjakshme në sheshin Maidan, e cila kulmoi me përmbysjen e Presidentit Viktor Janukoviç.
Kremlini po konsideron mbajtjen e dy referendumeve në rajonet Donetsk dhe Luhansk më 14 dhe 15 maj. Një tjetër referendum mund të mbahet gjithashtu në Kherson, një zonë në veri të Krimesë që është pjesërisht e pushtuar nga forcat ruse.
