Kjo është një nga fjalitë më të klikuara në Google nga rusët në vetëm pak orë nga fjalimi me gjuhë të ashpër i Vladimir Putin paraditen e sotme ku shpalli mobilizimin ushtarak, një ligj i epokës së Carit, i rikthyer për të parën herë që nga Lufta e Dytë Botërore.
Teksa fjalimi i Putin, i mbushur me kërcënime për sulm bërthamor mbi Perëndimin dhe Ukrainën u komentua nga këto vende si shenjë dëshpërimi për dështimin e planit të pushtimit, vetë rusët duket se kanë humbur besimin te lideri i Kremlinit.
Rritja e kërkimit për një largim nga Rusia u realizua veçanërisht nga Telegram, por është gjithashtu e dukshme në Google Trends, siç nënvizon faqja meduza.io.
Por çfarë mund të ketë shkaktuar dëshirën për të kërkuar një rrugë largimi nga Rusia?
Një eksod i animuar kryesisht nga borgjezët e lartë rusë u regjistrua marsin e kaluar, në ditët menjëherë pas agresionit të Ukrainës kur kufijtë nuk ishin mbyllur ende dhe sanksionet nuk e kishin rënduar ende ekonominë.
Tani situata sigurisht që është përkeqësuar dhe frika nga “mobilizimi i përgjithshëm” po rritet, gjë që mund të detyrojë miliona rusë në moshë edhe të thyer të përfundojnë në draftin ushtarak.
Nuk është rastësi që Duma, dhoma e ulët e parlamentit rus, miratoi njëzëri ligjin që rrit dënimet për ata që shkelin ligjin ushtarak (të lidhur me mobilizimin e përgjithshëm) dhe tradhtarët.
Dhe pastaj është pyetja alarmante e “referendumit” për aneksimin e Donbasit, rezultatet e të cilit nuk janë të parashikueshme.
