Pas pyetjes së gazetarit të News24, Igli Çelmeta drejtuar avokatëve të Fredi Belerit në një konferencë për shtyp lidhur me kërkesën e çamëve për pronat në Greqi, reagon kreu i PDIU-së, Shpëtim Idrizi.
Marrë shkas nga përgjigjes së marrë nga avokatët e Belerit që “Jemi këtu për çështjen Beleri”, Idrizi shkruan se mjaftoi kjo pyetje për të kuptuar standardin grek të drejtësisë.
Reagimi i Shpëtim Idrizit:
Sot dua ti shpreh mirënjohjen gazetarit të News 24 tv Igli Çelmeta, pas kaq shumë kohe, më në fund një gazetar Shqiptar “guxoi” të pyesë në një konferencë shtypi përfaqësuesit e Asamblesë së Kryetarëve të dhomave të avokatisë :
Greqia nuk lejon shtetasit Shqiptarë me origjinë Çame të kërkojnë pronat në Greqi, a është kjo shkelje e të Drejtave të Njeriut për qindra mijëra qytetarë ?
Do të protestonit Ju dhe për ketë shkelje të shtetit Grek ?
Përgjigja: Jemi këtu për çështjen Bejleri!!!!!!
Mjaftoi “guximi” i një gazetari për të kuptuar standardin grek të drejtësisë ” Evropiane” që vlen për një të akuzuar për vrasje dëshmorësh të atdheut, për nja te dënuar për dhunim te simboleve kombëtare e urrejtës etnike, për një te akuzuar për shitblerje votash .
Por mesa duket Drejtësia “Evropiane” Greke, nuk vlen për mijëra Shqiptare te Çamërisë , qe pasi u vranë u masakruan, u përzunë kane 80 vjet qe u nëpërkëmben te drejtat themelore te njeriut, e drejta e jetës, e pronës dhe e lëvizjes së lirë.
Mirënjohje për gazetarin Igli Çelmeta dhe një shembull për tu ndjekur nga te gjithë gazetaret Shqiptare .
