Helikopteri me të cilin udhëtonte presidenti i Kolumbisë është qëlluar me armë pranë kufirit me Venezuelën.
Presidenti Iván Duque po fluturonte drejt Cúcuta në provincën Norte de Santander, së bashku me ministrin e mbrojtjes, ministrin e brendshëm dhe guvernatorin e krahinës.
Një zëdhënës i presidencës tha se askush nuk u lëndua në incident.
Z. Duque denoncoi “sulmin frikacak” dhe ai tha se nuk ishte i frikësuar “nga dhuna ose aktet e terrorizmit”.
“Shteti ynë është i fortë dhe Kolumbia është e fortë për t’u përballur me këtë lloj kërcënimi,” tha ai në një video të postuar në Twitter.
“Forcat e sigurisë janë nën urdhra për të gjetur përgjegjësit,” shtoi ai.
